كتير من الفرق الكبيرة جدا تعثرت مع فرق أقل منها جودة بكتير و الشواهد من الفرق و الأندية العالمية كتيرة .
اليابان فنيا أعلى منا بكتير متل العادة و ما في شي جديد بالموضوع و لكن هي مباراة كرة قدم من ٩٠ دقيقة و تحقيق الانتصار و أن كان نظريا عند الجميع شبه مستحيل إلا أنو يبقى وارد و لو كان الاحتمال لا يتعدى ٠,٠١ ٪ و لازم نقاتل .
الخطوة الاولى للبحث عن الفوز تبدأ من قبل المباراة و عنوانها الوحيد عدم الاستسلام و عدم الخوف و الايمان بقدراتنا .
الخطوة التانية هي بالمباراة … و اهم نقطة فيها هو التركيز ثم التركيز ثم التركيز و عدم التهاون او التراخي بأداء الواجبات .
اخيرا و من وجهة نظري …. الدفاع القوي المستميت و الانضباط التكتيكي العالي مهم جدا لان فتح الملعب أمام اليابان كارثة كبيرة خاصة أننا غير مؤهلين جيدا لهاد الأسلوب و بالاخص أمام منتخب سريع جدا و يعرف جيدا كيف يستغل المساحات .
لذلك الدفاع القوي مع التركيز على بعض التفاصيل المهمة في كيفية التحول بعد افتكاك الكرة بهدف الوصول بأسرع طريق و بزيادة عددية كافية لمنطقة الخصم هي المفتاح ليكون الهجوم المرتد أكثر فعالية و اكرر زيادة عددية ضرورية لتحقيق الفعالية .
بالتوفيق لمنتخبنا و كمان ل ميانمار
About Author
